श्रीनिवास रामानुजन ( 22 डिसेंबर 1887 - 26 एप्रिल 1920 )
माझ्या माहितीनुसार या तिकीटाचे प्रकाशन वर्ष : २०१६’राष्ट्राचे शिल्पकार’ या दैनंदीन वापरासाठी छापलेल्या टपाल तिकीट मालिकेतील ४ रुपये किमतीचे रामानुजन यांची छबी असलेले हे तिकीट.
एक असामान्य प्रतिभा लाभलेला, गणिताचे कुठलेही औपचारिक शिक्षण न घेता गणितात अनेक मोठे शोध लावणारा भारताचा सुपुत्र म्हणजे रामानुजन.आपल्या अवघ्या ३२ वर्षाच्या आयुष्यात "नंबर थिअरी, इनफायनाईट सिरीज" या सारख्या क्लिष्ट गणित प्रकारात त्यांनी लावलेले शोध आंतरराष्ट्रीय गणिती समुदायात नावाजले गेले.
रामानुजन यांनी केम्ब्रिज विद्यापीठात आपले गुरु श्री. हार्डि यांच्या मदतीने अनेक नवीन गणिती शोध लावून त्यांना गणिताच्या परवलीच्या भाषेत बसवून (फॉर्मल प्रूफ) आपल्या असामान्य बुद्धीमत्तेचे दर्शन घडवले. वयाच्या अवघ्या ३२ व्या वर्षी रामानुजन यांनी जगाचा निरोप घेतला.
